Hüt eifach es Föteli vom Dorf. Ufgnoh worde isch es uf halbem Wäg gäg em Steibärg zue.

D’Ämme isch e ganz e bsungere Fluss, mängisch grad wie es Sinnbild für üses eigete Läbe. Ömel so chunt’s mir mängisch grad vor. Fröid u Leid finge sich zäme bi üsem schöne Naturfluss, wo i de Bärge si Quelle het und üsem Deheim der Name gäh het. Wenn während Tage d’Wulche töif u fischter über em Tal stah u Räge bringe, de chunt d’Ämme höch u wild derhär. Ganz trüeb u ärdig wird ds Wasser. Sägit, geit’s i üsem Gmuet mängisch präzys eso? U wenn de für mänge Tag e heiteri u warmi Sunne am blaue Summerhimmel steit, de wird üse Fluss klar wie e schöne, glänzende Bärgkristall. Im Wasser si schöni, rundi Steine i allne Farbe u Forme z’gseh u d’Sunne ströit ihri Strahle uf ds glasklare, früsche Bärgwasser, so dass es spieglet, lüchtet u funklet. Wie gärn hocke mir denn uf d’Steine am Ufer u luege üsere Ämme zue. Luege, wie ds’Wasser glichmässig u fridlich ds Tal ab louft u da u dert es Plätschere u Gurgle sich mit dem Stimme vo de Waldbewohner vermischt. U wenn d’Tage heiss wärde, ja de git es nüt schöners, als e härzhafte Gump i ds chüehle Ämmewasser. Was si all die herschelige Beder u «Swimmingpools» da dergäge? Gwüss wäger nüt. Bade isch niene so schön u luschtig wie grad i der Ämme!

Bevor d’Ämme bi Luterbach i d’Aare mündet, het si e wyte Wäg vor sich, gschouet mänge schöne Bitz Land u chönt gwüss mängs erzelle vor dere Reis. Drum isch für üs d’Ämme o es Sinnbild für e Wäg. U drum wei mir a üsem Fescht o a d’Ämme däiche, wo üs so vil schänkt. Mir mäche das mit Steimanndli uf em Tisch. Die si us chline Ämmesteine zämegsetzt. Zu jedem ghört aber o es Stückli Schwemmholz, wo mir am Ufer vor Ämme gfunge hei. Bi telne het es o no es Trädeli Waldholz, ganz eifach drum, wil der Wald d’Amme uf ihrem Wäg begleitet.

Zwe schöni, auti Linde hei ihre fescht Platz im Dorfchärn vo Rüderswil. Grad ob der Chiuche steit d’Leuebärger Linde. Si isch es Naturdänkmal für e Niklaus Leuebärger, em Afüehrer vom Burechrieg im Jahr 1653. Aber wie alt isch dä Boum? I der Dorfchronik vo der Menga Ruprecht (S. 121) finge mir uf die Frag e Antwort: Dä stattlich Boum isch im Jahr 1566 (oder 1565) vom Bernhard Heiler pflanzt worde. So isch es us alte Zyte überliferet und vom Schuelmeischter Peter Tanner ufgschribe worde. Wenn das stimmt, de wär d’Leuebärger Linde jetzt 443 Jahr alt!

D’Chrämerhuslinde, wo uf em Foti z’gseh isch, het ihre Name vom Chrämerhus, wo grad näb der Linde steit. Wie alt dä Boum isch, ha-n-i no nid usefunge, aber – wie’s mi druf düecht het, isch das o gar nid so wichtig. Luegit ne eifach a, dä wunderschön Boum. Mit früschem Meieloub steit die Linde da u ladt üs i, e Momänt z’verwyle und dä Boum z’bestune. Um d’Linde ume het es no es Bänkli, so wie si i alter Zyt zäntume z’gseh si gsi. Was meinit Dir, wär alles isch ächt scho da ghöcklet u het nöis z’brichte gha? Vellicht es paar Chiuchgänger, wo a däm Platz über d’Predig vom nöie Pfarrer diskutiert hei. Oder d’Lüt us em Dorf, wo am Abe dä schön Platz bsuecht hei. Zum erzelle, was si a däm Tag alles erläbt hei. Oder es Liebespäärli, wo sich unger de Zweige vom Lindeboum ewigi Tröi versproche het.

Mir wüsse’s nid. Aber wär weiss. Dä schön alt Boum het scho so mängs erläbt. Wenn mir üs e Momänt Zyt näh, mit allne üsne Sinne guet härelose, de verzellt üs die alti Dorflinde vellicht doch e Gschicht…

Linde bei Rämis oberhalb Langnau. Aufgenommen am 8. Mai 2009

Die «Fête de la Musique» macht aus dem längsten Tag des Jahres etwas Besonderes. Bei der aus Frankreich stammenden Idee wird der 21. Juni zum Tag der Musik und der Begegnung. Am Abend treten verschiedene Musiker unter freiem Himmel auf und laden ein zum Zuhören und Verweilen. Nachdem die Fête de la Musique in der französischen Schweiz Fuss gefasst hat, findet die Idee auch in der Deutschschweiz immer mehr Anhänger. So auch in den Gemeinden Rüderswil, Lauperswil und Zollbrück. Am Abend geben verschiedene Formationen auf dem Areal des Jakob-Marktes eine Kostprobe ihres Könnens. Dieses Jahr gehört auch eine Ad-hoc Alphornformation mit zum Programm. Zu hören sein werden neben traditionelle Alphorn-Weisen auch Melodien der Gegenwart.

Fête de la Musique in Zollbrück: Am 21. Juni 2009, ab 19.00 Uhr auf dem Areal des Jakob-Marktes.

«Chömit, luegit, stuunit, choufit…» Auch 2009 findet in Sumiswald der beliebte Gotthelf-Märit (Markt) statt. Wie der Name es schon verrät, ist der Gotthelf-Märit etwas besonders, denn zu dem umfangreichen und vielfältigen Marktangebot gibt es die verschiedensten Attraktionen für die ganze Familie. Neu gibt es zum traditionellen «Märit-Einschiesset» ab 08.30 ein währschaftes Frühstück mit Emmentaler Spezialitäten. Wie in den vergangenen Jahren gibt es auch heuer viele traditionelle Handwerke zu bestaunen: Schmiede, Kaffeeröster, Gerber, Drechsler, Korber, Kunstmaler, Sattler, Küfer, Kalligraphie, Kunststricken und viele mehr. Wer sich für einem Moment vom bunten Treiben zurückziehen will, findet in der Kirche Stille und Einkehr. Und es gibt um 10.30 ein Konzert mit dem bekannten Zitherspieler Lorenz Mühlemann.
Wissen Sie, was «platzgen» ist? Nun, das ist ein Sport, den es nur im Emmental gibt. Dabei muss eine Stahlschreibe so geworfen werden, dass sie möglichst nahe bei einem Stock auf einem Sandhaufen zu liegen kommt. Wer diesen urchigen Sport kennenlernen will, nimmt am Plausch-Platzgen teil.

Nebst dem Zitherkonzert in der Kirche gibt es zahlreiche weitere musikalische Attraktionen. Zu sehen und zu hören sind das Kinderchörli Unteremmental, das Gotthelfchörli Lützelflüh, die Örgeligruppe Oberaargau und die Musikgesellschaft Wasen. Auch die Sumiswalder Alphornbläser, die seit vielen Jahren am Gotthelf-Märit mitmachen, fehlen nicht.
So ist der Gotthelf-Märit ein Erlebnis für alle Sinne, ein farbenfroher und facettenreicher Märit, ein Fest, an dem alte Handwerke und Traditionen lebendig werden und ein Beweis, dass im Emmental Volkskultur und Brauchtum gepflegt und gefördert werden.